L LECH DE L’ARCABOAN

(Il lago dell'Arcobaleno)

"Chi tempes tel lech de Careza stajea de ciasa na belota vivana, valenta e piajégola. Da spes la se sentava jù sun or del lech a ciantar en compagnia di ucié sie amisc, ma canche la sentìa vegnir valgugn la sautava de colp te l’ega. Apede l lech, te chel bosch che se pricolèa fin sun sot i spic del Latemar, stajea n strion selvadech e catif. Canche na dì l’à vedù la vivana ciantar sun or del lech, l strion l’é restà tant encantà che l’aesse volù se la tor e se la menar demez. Ogne dì l vegnìa jal lech per ge tender ma la vivana, apena che la lo vedea, con n saut la se n jia sote ega, e el l restava alò con tant de nas. Da la ira l strion l soscedava la furia del temp e da l’aut di crepes l trajea jù saete e tarluies che dut trundenava. Endana la vivana la se grignava al segur jun som al lech. L strion l’à capì che zenza l poder de la magìa no l’aesse combinà nia. Enlaoita l se à mudà te na lora per ge ruar apede a la vivana zenza vegnir cognosciù. Ma i ucié del bosch, che desché l solit se aea binà sui albres apede l lech per sentir ciantar la vivana i à entivà l pericol: i à scomenzà a piolar duc ensema e a sgolatar dut entorn con n gran revedò. L strion no l saea più che sent prear. Na bela dì ge é vegnù n ment de jir sun Vaiolon a domanar aiut a la stria de Majaré che la stajea colassù te n cogol. Grignan la stria ge disc:- Che pere strion che tu es! No se dijesse che tu fosse tant pech ascort! Via pura… Te daré ben gio n consei. Scoita. La vivana no l’à mai vedù n arcaboan. Tu fane su un più bel che tu pes, che l rue dai spic del Latemar enscin jal lech.- -Canche la vivana la lo vederà, la volerà saer che che l’è, e la vegnirà fora de l’ega. Tu endana tu cogne te mudar te n velge e rich marcant co na bela barba biencia; tu te arvejine al lech con baresc franches, con su la schena n sach de ores: anìe, recign, bracialec, ciadenèle e corai. Lascege entener che ores tant bié s’i fasc col lumenos de l’arcaboan, e che demò tu tu sas l secret per i frabicar. Tu vedaras che per curgiojità de robe tant bele mai vedude la vivana le te vegnirà dò olache tu ves, pur de n veder de autre.- Dit e fat, l strion l’é se n jit sul Latemar. La dì dò ben bonora l’à fat su n beliscim arcaboan, trat sorafora l bosch fin jal lech. La vivana la subit cità fora a ge vardar a chi colores smaraveosc. A veder la vivana alò encantada da chel spetacol, l strion l se à empensà:- La é fata!- e l’é coret jù de sbalz per la ciapar ma l se à dementià de se mudar da marcant. La vivana, se sa ben la l’à subit cognosciù e con n saut la se à endò tirà al segur sote ega. Enlaoita l strion, furios fora de mesura, l’à scomenza a dejarear albres e trar jù sasc e perogn daperdut entorn. Enultima l’à desbaltà l’arcaboan, e l lo à fat su te mile toc, e l l’à trat dut tel lech. Dapò l’é se n jit sù per chi crepes e no se l’à mai più spià niò. Endana duc chi bié colores i se aea delegà te l’ega, olache i é resté per semper. Da enlaoita chel lech à abù inom “lech de l’Arcaboan”."

A quei tempi nel lago di Carezza viveva una bella vivèna, brava e piacevole. Spesso si sedeva sulla riva del lago a cantare in compagnia dei suoi amici uccelli, ma quando sentiva arrivare qualcuno saltava di colpo nell'acqua. Presso il lago, in quel bosco che si arrampicava fino a sotto le cime del Latemar, viveva uno stregone selvaggio e cattivo. Quando un giorno vide la vivèna cantare sulla riva del lago, lo stregone rimase così incantato che avrebbe voluto prenderla e portarsela via. Ogni giorno scendeva la lago per controllarla ma la vivèna, appena lo vedeva, si gettava con un salto nell'acqua, e lui restava là a bocca asciutta. Per la rabbia lo stregone scatenava la furia del tempo e dall'alto dei monti tirava giù fulmini e saette, che facevano rimbombare tutto. Intanto la vivèna se la rideva al sicuro in fondo al lago. Lo stregone capì che senza il potere della magia non avrebbe combinato nulla. Allora si trasformò in una lepre per arrivare vicino alla vivèna senza essere riconosciuto. Ma gli uccelli del bosco, che come al solito si erano riuniti sugli alberi presso il lago per sentir cantare la vivèna, avevano intuito il pericolo: iniziarono a cinguettare e a svolazzare tutt'intorno con gran timore. Lo stregone non sapeva più che santo pregare. Un bel giorno gli venne in mente di andare su sul Vaiolon a chiedere aiuto alla strega di Majaré che stava lassù in una grotta. Ridendo la strega gli disse: "Che povero stregone che si! Non si direbbe che tu sia così poco furbo! Te lo darò io un consiglio. Ascolta. La vivèna non ha mai visto un arcobaleno. Tu fanne uno meglio che puoi, che vada dalle cime del Latemar fino al lago. Quando la vivèna lo vedrà, vorrà sapere che cos'è, e verrà fuori dall'acqua. Tu intanto devi trasformarti in un vecchio e ricco mercante con la barba bianca; ti avvicini al lago con passo sicuro, con un sacco pieno di gioielli sulle spalle: anelli, orecchini, braccialetti, catenelle e coralli. Falle credere che ori così belli si fanno con la luce dell'arcobaleno, e che solo tu sai il segreto per fabbricarli. Vedrai che per curiosità verso cose così belle e mai viste, la vivèna ti seguirà dove vorrai, pur di vederne altre. Detto fatto, lo stregone se ne andò sul Latemar. Il giorno dopo all'alba creò un bellissimo arcobaleno, che oltrepassava il bosco fino al lago. La vivèna uscì subito per guardare quei colori meravigliosi. Vedendo la vivèna laggiù incantata da quello spettacolo, lo stregone pensò :"E' fatta!" e corse giù in fretta per prenderla ma si dimenticò di trasformarsi in mercante. La vivèna, logicamente lo riconobbe subito e con un salto se ne andò sott'acqua. Allora lo stregone, fuori di sé dalla rabbia, cominciò a sradicare gli alberi e a buttare giù sassi e macigni tutt'intorno. L'ultimo colpì l'arcobaleno e lo ridusse in mille pezzi, buttandoli nel lago. Poi salì su quei monti e non se ne seppe più nulla. Intanto tutti quei bei colori sprofondarono nell'acqua, dove restarono per sempre. Da allora quel lago si chiamò "lago dell'arcobaleno".